ALAM MO BA? NEW YEAR'S RESOLUTION NG ILANG MGA PINOY

Malapit na naman ang bagong taon, marami na naman ang lokohan (hahaha biro lang). Alam mo ba, mas maraming pangako ang napapako pagkatapos pumasok ang bagong taon? Marami sa atin na hindi napapansin ang ilan sa mga bagay na paulit-ulit na nating sinasabi tuwing papasok ang bagong taon.

Ito ang ilan lamang sa mga hindi natutupad base sa mga naririnig ko nang paulit-ulit mula sa mga katrabaho, kaibigan, kapamilya, kapuso, kasangga at kaklase:

1. Mag-iipon na talaga ako at hindi na gagastos pa. ‪Usapang financial ito pero ewan ko na lang. Mahirap iwasan ang pagkain kasi iyan ang una nating pangangailangan. Malamang kapag may bagong bukas na resto hindi ka na naman magpapahuling hindi kumain at ma-picturan iyon. 

2. Magdidiet at mag-eexercise na ako! ‪Kung natupad yan last year, for sure, may abs ka na ngayon. Gusto mo kasi ng healthy living pero kapag niyaya ka, hindi makakatanggi. Ang karaniwang defense mechanism para dito, rationalization. 

Scene sa Kusina:

*Nakakita ng pagkain*

Di bale, konti lang naman! Saka ngayon lang naman ako kakain, hindi nakakadagdag ito ng fats. *nom nom nom*

Note: Pero sa totoo lang, mahirap talaga ang pagdidiet kaya kailangan ng isandaang porsyentong motivation para magawa mo ito. 

3. Magmomove on na ako. </3 ‪Sige lokohin mo pa sarili mo. Mag-move on ka na lang kung gusto mo talagang mag move on. :D Nasa sa iyo naman iyon. Mangangako ka pa na magugulat siya sa'yo at magsisisi siya sa makikita niya. Ayoko na dagdagan ang side comment, pero sabi nga ni Sam at Say, “Huwag hanapin ang pag-ibig…ito’y darating sayoOooo.” at kasabay rin ito ng pagmove on mo. Marami rin paraan para makalimot ka, mag-aral ka! Ipasa mo board exam kapag rpm ka na, ayon rpm ka na! hahaha. 

4. Hindi na ako magcocomputer talaga. Babawasan ko na talaga ang internet use. ‪Oh sure, deactivate mo na account mo pero palagay ko, ibabalik mo rin yan kasi checheck mo yung profile na hindi mo matiis o kaya hindi mapigilan ng mga laman mo na i-check yung profile ng gusto mong i-stalk o kaya may important kang gustong makita sa internet (biro lang).

5. Samakatwid, magbabago na talaga ako! Promise! As in, last na last na!‪ Sabi mo eh, sige hintayin natin yan sa 2017. Kung iyan pa rin yung resolution mo, ewan ko na lang.

Good luck na lang talaga! Kaya nga yata resolution talaga ang tawag. Kasi reresolbahin mo ulit yung mga palagay mong problema mo na wala nang katapusan. Paulit-ulit.

Huwag mo nang saktan ang sarili mo, hindi mo na nga napanindigan yung sinabi mo noon sa kanya tapos pati ba naman pangako mo sa sarili mo babaliin mo pa? (hugot aside).

Ang totoo kasi niyan, gumagawa kasi tayo ng new year’s resolution kasi ito nga iyong tinatawag na “cultural procrastination” ayon kay Pychyl. Ginagawa natin ang mga ito kasi gusto natin talagang baguhin ang sarili natin ngunit hindi pa talaga tayo lubusang handa na baguhin yung mga bad habits natin para maging good habits.

Kaya kung gusto mo talagang magbago at matupad yang mga resolutions mo, mag plano ka at i-convert mo yung mga bad habits mo into good habits. Halimbawa, gusto mo mabawasan ang paggamit mong internet, subukan mong magkaroon ng schedule and be specific kung hanggang anong oras ka lang maaaring gumamit nito. Sa ganitong paraan, mas magiging productive ang araw mo at nakikita nakapaglalaan ka ng oras sa bawat gawain mo.

Palagay ko, isa rin sa pinakamahalagang bagay na dapat mo rin gawin ay huwag mo nang i-broadcast pa ang resolutions mo. Kung balak mong baguhin siya, gawin mo na lang. Ayaw mo yun, masosorpresa sila? 

Ilan sa mga articles tungkol sa new year’s resolution:

https://www.psychologytoday.com/blog/wired-success/201412/why-people-cant-keep-their-new-years-resolutions

https://www.psychologytoday.com/blog/what-is-he-thinking/201101/why-new-years-resolutions-dont-work