EDUKASYONG DOSE PESOS

Langya. Nanggaling ako sa school na edukasyong dose pesos per unit. Ito yung pamantasan na pila ulit pila. Ayos lang naman yun. Masaya nga ako nanggaling ako sa masa. Doon ako nagmula.

Ngayong graduate na ako, napaka-challenging lang ng idea na naiisip ko. Langya. Noong college pa ako, gusto ko baguhin ang educational system. Sabi ko ang boring naman kung puro libro lang. Maswerte naman ako kasi sa school ko hindi naman lahat spoon-feeding kaya natuto akong tumayo sa sarili kong mga paa kahit ang hirap hirap na.

Balik tayo, ayoko magkabisado kasi namamatay yung 'creativity' ko at pinangako ko sa sarili ko na balang araw kung maging teacher ako....ayoko ng memorization.

At humantong nga ako doon! Shemay na malagkit, ito na yung moment, bes. Sinubukan kong magturo. Mahirap rin pala. Individual differences. Mahirap ma-handle iyon. Totoo. Sinubukan kong maging masaya ang mga bagay para mas matuto sila at kung minsan hindi ko na masyadong pinagtutuunan ang libro lalo na kung hindi naman ito board subject o hindi naman magagamit sa real life. Pinagaan ko. Minsan comedy bar nga e sa kagustuhang lagyan ng saya pero nandoon ang substance. Pinapadali ko. Binigay ko ang slides at nagbibigay ako ng quizzes.

Alam mo kung anong napala ko? Disappointments. Maraming natutuwa sa ginagawa ko pero disappointed ako na  hindi ko kayang isalba ang lahat ng students. Nakakalungkot.

Pak ganern the educational system! Hype yan!

Bago ka magsabi ng ganyan, subukan mo munang maging teacher kasi mula sa karanasan... mahirap talaga siya. Kailangan gawin mo ang lahat at dapat na subukan mong i-adjust ang sarili mo para sa kanila pero may ilan pa ring maiiwan...at masakit iyon sa part namin.

Kaya hindi ako naniniwala sa ilang motivational speakers eh. *although ganoon naman rin ako at nag-eencourage* Motivational speaker rin ako at the same time teacher. Alam mo kung bakit minsan hindi ganoon ka-effective ang pagiging motivational speaker? Kasi binabago mo ang attitude lang ng nakikinig sa'yo. Barnum statements at pangkuha ng kanilang emosyon lang talaga ang gamit nila sa'yo.

Kaya tignan mo ang mga nakinig na iyan pag-uwi nila sa mga bahay nila, ang ilan babalik agad sa nakagawian nila. Attitude is just a manifestation of their values. Tirahin mo ang values nila kung gusto mong may mabago sa behavior nila...pero mahirap iyon gawin dahil established na ito sa isang tao lalo na kapag adult.

Kaya yung magagaling magsabi ng hype na educational system na iyan, try niyo muna. Para mas maunawaan mo, subukan mo. Isa lang ang teacher at marami ang students. Marami dyan underpaid pa. Marami rin diyan ginawa na ang lahat ng makakaya nila kaso maraming students pa rin ang hindi naman ganoon ka-interesado sa course nila. Minsan students rin talaga.

Napakahabang issue nito pero interested akong makipagkwentuhan sa'yo kung paano ito maiiwasan.

One time lang. Magturo ka pagkatapos pakikinggan kita.