"I LOBE YOU"

"̶I̶ ̶l̶o̶v̶e̶ ̶y̶o̶u̶.̶"̶

"huh?"

"I lobe you." *covert kilig* 💕

"I lobe humor." *covert kilig pa more* 💕

*sympathetic nervous system is stimulated, pupils dilated, tachycardia, dopamine, and serotonin released*

Psych x Psych
Sabay nagka-oxytocin at vasopressin daw. Charot. HAHAHAHA IYKWIM. Ssshh! 😂 #HormoneOverload

MAY KA-DATE KA?

"Uy, besh! Malapit na mag-Valentine's day! May ka-date ka?"

"Wala e. Do I have to follow the norm ba? It's just a construct, bes. Kapitalismo rin iyan. Wag kang papadala sa emosyon mo. Wag kang ma-pressure. It's all in your hypothalamus and keme."

"..."

"Labyu!"

ANONG COURSE MO?

"Anong course mo?"
"Psychology po."
"So, nababasa mo nasa isip ko?"

---

Nakakapagod man pero sa huli sinasagot natin iyan kasi tayong mga Psych majors ang unang umuunawa sa tao. Alam nating hindi niya alam iyon sa paraan rin na hindi natin alam ang sagot sa bawat tanong sa paligid. Siguro, bigyan pa rin natin ng halaga ang bawat taong nagtatanong nito at sagutin ng may pagpapakumbaba (though sa circle natin natatawa tayo pero in real life alam naman nating todo explain tayo di ba).

Baka dala na rin na tumatanda ako kaya parang nakasanayan ko na rin iyan. Sa totoo lang, tuwing nakakarinig ako ng ganyang tanong napapangiti na lang ako. Hindi na siya nagsisilbing ingay sa akin o nakakatawang tanong, nakikita ko siyang isang pintuan na nagbibigay ng pagkakataong maliwanagan yung isang tao.

Isipin na lang natin na para tayong magulang na paulit-ulit na sinasagot ang maliliit nating anak. Buong pusong nagtatiyaga para maunawaan niya ang mundong mayroon tayo.

----
"Anong course mo?"
"Psychology po."
"So, nababasa mo nasa isip ko?"
"Psych majors po kami. Hindi manghuhula ahahaha pero sinusubukan po naming gumamit ng mga tools para maintindihan ang karanasan at kalagayang kaisipan ng tao..."

Ikaw na bahalang magdugtong at magkwento kung gaano kaganda yung course natin. Alam mo iyon? Hindi tayo astronauts pero parang katulad na rin natin sila kasi marunong tayong makinig at sa bawat taong napapakinggan natin ng buong puso ay katumbas ng isang planetang nadiskubre mo. Bawat karanasan ng tao ay isang mundong sinubukan mong intindihin kahit bago sa'yo. Di ba, amazing? Ang Psychology ay kabilang sa soft science pero kasing hirap rin ng hard sciences (at least sa paraan na alam ko). Sa hard sciences may mga formula sila at pagkakataong masukat ang physical world pero never naman nating kayang gawin sa course natin. Mahirap mahanap at masukat kung paanong magmahal, masaktan, umunawa, mawalan ng minamahal, kung paanong maging matagumpay ang pagiging isang parent, at kung anu-ano pa. Wala tayong formula sa Psychology para masukat ang mundo ng kaisipan. Hindi ba mahirap yun? Sinusubukan nating i-transform ang mga numero sa isang mahalagang interpretasyon na sana katumbas ng karanasan ng tao at kung minsan alam natin na hindi kailangan ng numero para maipaliwanag ang tunay na karanasan ng tao... at kung anu-ano pa.

Ipaliwanag mo ang Psychology. Unawain natin ang tao kahit na mahirap kasi sino pa bang gagawa non kung hindi tayo? Subukan nating i-restore ang faith ng humanity dahil kung minsan nakakalimutan ng tao kung sino sila. Tulungan natin sila. Subukan nating mahalin ang kurso natin.

Love Psychology.

Your bes,

Riyan

MAS OKAY MAGING IKAW

Sa dami ng mga positive quotes na nababasa ninyo, sana subukan niyong mahanap doon yung tunay na "ikaw."

Huwag kang makinig sa iba na maging ganito o ganyan ka, pwede siyang gawing guide natin pero wala pa ring hihigit sa nag-iisip ka at nagre-reflect ka sa sarili mo. Masyadong maraming distractions sa paligid, sana piliin mo yung maging tahimik ang loob mo. Hindi mo rin kailangang ikumpara ang sarili mo sa iba kasi magkakaiba tayong lahat ng pinagdadaanan.

Hindi mo kailangang palaging mag-ingay o makisali sa gulo. Hindi mo rin kailangang laging magreact. Ang kailangan mo, magfocus sa sarili mo muna bago ang iba.

Ano bang gusto mo? Masaya ka ba? Mahal mo ba sarili mo? Tahimik ba ang loob mo? Magstay ka pa ba diyan? Gaano ako katagal na maghihintay? Ito ba talaga gusto ko sa buhay ko? Ano ba yung pwede mong gawin ngayon para makuha mo yung lisensya mo? Magwowork ka ba habang nagrereview? Kaya mo ba? Shet ayan na siya 282 days to go. WTH.

Lahat ng iyan, ikaw rin naman ang sasagot. Hindi quotes, hindi yung pakialamera mong seatmate o ka-trabaho...ikaw lang pero maaaring malaman mo ang sagot sa tulong ng iba. Pwedeng kausapin mo ang guidance counselor niyo, psychologist, o kaya sa taong pinagkakatiwalaan mo para tulungan ka o ma-encourage ka pa na may malapitan.

Hindi sapat ang quotes lang o mga kung anu-anong nababasa natin. Kung gusto nating maging okay, kailangan nating isipin yung mga bagay na mas makakatulong sa atin. Alagaan mo ang sarili, bes. Piliin mo yung peace of mind sa maingay na mundong 'to. Piliin mo ikaw. Alamin mo sarili mo...

Mas okay maging ikaw.

TWO WORLDS

Have you ever felt lonely despite those people around you? No one bothers to ask if you're still ok though they're always there or if they're present, they misunderstood you because you're just maybe stupid at the moment or maybe not good enough in expressing yourself.
Funny thing is you have overflowing people in the external world but empty in the internal world. Two different worlds. Which is better? I guess you know the answer.
Fill your internal world with good and genuine people. Those people who will understand you when you're on the brink of giving up on yourself, those people who will just be there without asserting if you're right or wrong because you're vulnerable at the moment, and those people who accept you not for the world.
May you find these gems for they'll be your source of strength when there's nothing left of you...

THIS IS IT, 2018!

I can sense all your struggles, bes. Mas sense ko na siya. Medyo namiss ko rin naman yung gantong pressure sa sarili ko. Alam mo yung pressure na kailangan mong gawin ang best mo sa paraan na kaya mo.

Nakakatawa lang dahil matagal-tagal na rin naman akong nagbabasa pero ngayon ko lang ulit naramdaman yung feeling na confused ka sa kung ano ang gagawin ko talaga. Charot. Ang nagpahirap ng konti rito yung mismong paglalapat ng theory sa practice. Maswerte lang talaga ako sa supervising psychologist na hinihikayat akong sumubok (pero di ako sure no. Wala akong sinasabing magtake ako lol). Siguro, gusto ko lang muna gawin yung best ko sa mga susunod na araw at buwan tutal marami-rami na rin akong sinakripisyo para lang makapag-focus sa ginagawa ko.

Sana magkaroon ako ng lakas para magawa ito. Sana kayanin natin mga bes yung struggles! HAHAHAHA. Wala naman taong perpekto parang ako, di ba. Kahit na nag-aaral ako ng tuloy-tuloy kahit tapos na ako sa masters ko, ang dami ko pa rin kailangang malaman. Minsan sobrang nakakadown rin kapag hindi ko naabot yung objectives ko kaya sobrang dinidisiplina ko sarili ko. As in. Kanya-kanya tayo ng coping mechanisms na makakatulong sa atin.

Nang isang araw sobrang nagalit ako sa sarili ko kasi bakit hindi ko natapos yung dapat kong gawin. Kaysa magmukmok ako, naisip ko na magpunta sa Ynares Sports Complex tapos binigyan ko sarili ko ng punishment ng 6 rounds jogging. Nawala yung inis ko at napalitan ng relief. Nakatulog pa ako ng maaga kasi nabugbog ng konti. Hahahaha.

Habang sinusulat ko 'to, ayon nakalista na yung gagawin ko para hanggang mga 11 PM. Kailangan kong magbasa at least 2 chapters. Sana matapos ko talaga lahat ng nakaline-up na books. Next week, maghahandle ako ng case sa rehab. Yey! Tapos magcoconduct ng interview, exams, at gagawa ng reports. Magcacase conference rin kami. Nakakagana kapag iniisip ko na gagawin ko na siya na parang totoo though guided ako ng psychologist.

Kayo ba? Siguro tatawa-tawa yung iba sa inyo kasi may 285 days pa bago ang #BLEPP2018 pero tandaan mo na isang kindat lang iyan. Dalawang taon na rin akong naglelecture sa reviews at hindi ko rin namamalayan na natatapos ang psych season. This year, malamang ganoon rin siya! Nasanay ko na sarili ko sa pagbibilang. Binibilingan ko ang reviewees pero this time nararamdaman ko yung struggles na iyon saka yung bagsik nito.

Huwag nang magpatumpik-tumpik, gawin na natin agad. Ma-excite ka kapag maraming pinapagawa sa'yo! Kapalit niyan ay learning! Magutom ka sa learning! Mas madali na ang practice kapag may alam ka...pero di ko pa alam ang lahat kaya nag-aaral pa rin ako.

Tara, sabay na tayong mag-aral. Good luck sa atin!

Hmmm, the countdown begins tonight?

(1/285)

SUBLIMATION

 As in sobrang galit ako sa sarili ko dahil hindi ako focused sa ginagawa ko saka konti lang ang naabot ko sa objectives ko. Kilala ko sarili ko. Kapag ganito, ang mangyayari lang mauuwi sa unproductive lalo na araw. Bilang pagdidisiplina sa sarili ko, tumakbo ako sa Ynares Sports Center ng anim na ikot. Lahat ng galit at inis ko sa sakit ng legs na lang napunta. Lahat ng galit o inis ko, nadaan ko rin sa deep breathing.

Masakit ang katawan ko bukas sa OJT nito pero kebs. Kailangan kong maging madisiplina sa sarili ko. Sana hindi na maulit, kung maulit man, tatakbo ulit ako hanggang sa mapagod na ako.
(1/286)

MY 2018 PLAN

I have no plans this year aside from hoping to become a psychologist. I want to help more people and encourage them to live life happily and meaningfully. I want to be one of the protectors of people who create wider safe space and inclusive place for all.

This year, I'll just do my best and let's just what will happen.