ALAGAAN ANG SARILI

Sa mga oras na 'to baka gising ka pa para magpahinga saglit mula sa nakakapagod mong pag-aaral. Malapit na yung natitirang araw, handa ka na. Wala ka na namang magagawa kundi ang maging handa. Iyon na lang ang matitira sa iyo kapag nandoon ka na rin sa araw na iyon.

Habang lumalapit na ang mga araw, tumitindi rin ang pagod, antok, pagbilis ng tibok ng puso, mga iniisip na takot, at mga bagay na kung ano pang bumabagabag sa'yo. Sa lahat ng mga iyan, sana'y huwag mong kalimutang alagaan ang sarili mo. Marami sa inyo kapag malapit na ang board saka pa nagkakasakit.

Kumain ka ng mga prutas at gulay para maalis ang pagkatamlay, uminom ng gatas at saging kung gustong antukin sa gabi, at huwag kalimutan ang maraming tubig. Pssst, pahinga ka na. Sa natitirang araw na 'to, deserve mo rin yun.

Ingat ka.