MY 82 DAYS OF JOURNEY TO BOARD EXAM (PROCRASTINATION AND REVIEW)

Originally shared in psychometricpinas blog

May e-mail kasi akong nareceived after ng oath-taking,"Ano ba ginawa sa board exam?" 

Ayun. Buti nakapagdocument ako. Hehe. Hindi ko na kailangan pa ipaliwanag mga ginawa ko dahil sa mga larawang nakunan ko.

Hindi ako nakapagreview center kasi mahal. Bale, review lang talaga sa sarili gamit lumang books, ebooks, notes, tulong din ng online blogs tulad ng Philippine Psychometrician Reviewer (psychometricpinas.blogspot.com) at mabubuti kong kaibigan.

Naisipan kong magdocument ng pagrereview ko sa loob ng 82 days bago ako magtake ng exam sa dahilang naniniwala ako nang mga panahon na iyon na papasa ako (fighting spirit talaga lakas) at gusto kong maibahagi yung mga bagay na nangyari sa aking paglalakbay bago ako magtake ng board exam.

Maraming beses din naman akong nabigo magreview kaya puro pagkain ang highlight ng araw ko. Kung minsan nga cheesy days, status lang sa facebook, movie marathon or series marathon, lalabas kasama yung mga importanteng tao sa buhay ko, at paggawa ng requirements sa graduate school. Grabe, mapapansin mo nga sa mga unang araw pa lang ng nakatakdang documentation ko may pagkain na talaga na highlight. Kaya nga naging bilugan ang katawan ko. hahahaha. Wala na akong exercise rin niyan.

Kung susuriin ang mga larawan, makikita mong hindi lang ako naka-focus sa pag-aaral, makikita mong may mga ilang bagay rin akong pinagkakaabalahan. Minsan kasi okay lang naman aminin na hindi naman tayo super sipag, na mayroon ring mga araw na gusto natin maging masaya lang sa isang araw, na hindi lahat ng oras dapat na igugol natin ang sarili natin sa pag-aaral dahil kailangan din natin ang ibang bagay para mas umunlad tayo. Kung hindi ako nag give in sa kagustuhan kong subukan ang iba ng mga panahon na iyan baka masyado akong na-stress. Kailangan lang talaga na minsan mag-enjoy at minsan dapat na seryosohin ang mga bagay.Ibabalanse.

Gusto ko lang sabihin na huwag natin masyadong biglain ang sarili natin sa mga bagay na gusto nating makuha, kung minsan kahit paunti-unti okay lang naman. Hindi kailangan na magmadali. Saka wala naman magpepressure sa atin kundi sarili lang din natin kung hahayaan natin makinig sa sasabihin ng iba. Kung marami na silang narereview, hayaan niyo sila. May sarili kang oras, ang dapat mong gawin, gumawa ka ng sarili mong plan. Ikaw magdidisenyo. Pwede kang maglagay ng allowance na mag-enjoy ka at schedule na stringent. Basta dapat sa isang araw, kahit paano may nagawa ka, kung wala man siguraduhin na kinabukasan mababawi mo iyon.

Ito ang summary ng shinare ko sa SPARK Review Center noong 2015 nang mainvite ako para sa BLEPP 2015:

   1.    Set your goals

   2.    Document your review/ Monitor your progress

   3.    Eat a lot of healthy food

   4.    Procrastinate in judicious doses

Good luck sa susunod na magboboard exam! 

See the creative 82 days gallery before board exam, click here.