IKOT NG KAPALARAN

Kapalaran ang naghatid sa'yo sa akin,
ngunit nakaguhit kaya sa palad mo
ang mga pangyayari sa atin?
ikaw at ako kaya?
Wala kayang hangganan?

Kung may hangganan man,
pipilitin kong huwag matuldukan.
Kung may dulo man,
at hindi ako ang itinadhana,
pipilitin ko si Bathala.

At kung sakaling hiniwalay ka sa akin,
asahan mong hahanapin kita,
susuyurin ko ang mundo
para mahagkan at mayakap ka.

Magpunta ka man sa ibang dimensyon,
pinaglaruan tayo ng tadhana't
hindi raw kita matandaan,
asahan mong mararamdaman ko.
Makikilala kita...
sa oras na makita kita.

At kung ako man ang hindi makaalala,
sabihin mo sa akin.
Ipaalala mo sa akin
kung gaano ako naging masaya
nang mga panahon na kasama kita.
O kung gaano ako magiging masaya
kapag makapiling na kita.